لما خرجت العائلات الفلسطينية من بيوتها بأنصاف الليالي,,,, حملوا اللي بيقدروا يحملوه معهم من أغراض وأشياء بالنسبة الهم ثمينة وغالية,,,,

شوفوا المفارقة بيننا وبين اسرائيل,,,,

اسرائيل اللي دمرت ,,, اللي شتتت ,, اللي هجّرت,,, اللي قسمت وضيعت,,,اسرائيل اللي ما خلت من اراضي فلسطين غير الفتات والنزر اليسير,,,

عادي جدا ,,,, وأقل من عادي كمان,,,,,

- هي وقَّفت على الحواجز يا أخينا,,,, المهم أننا نروّح على البيت,,,,
حتى لو وصلت الساعة 8 المسا على بيتك,,,, مع انك مرات بتكون طالع من وظيفتك الساعة 4 العصر,,,,

عادي جدا,,,,
كل ما يكون عند اسرائيل احتفالات,,, ولا أعياد
يعلنوا الاستنفار,,,,
ينشروا الحواجز الطيارة على طول الطريق,,,و وبمشوارك ,,,
ازا حبيت هاد تروح تزور واحد من أقربائك في مدينة تانية,,,,- وغلطت,,, طلعت بيوم عيد من اعيادهم,,,- وأكتر من 5 مرات تفرجيهم ” الهوية”
اللي بدونها ما بتقدر تتحرك بين المدينة والقرية اللي جنبها,,,,,

عادي جدا ,,,,,

ازا دخلوا بنص الليل على بيتك,,,, أخدوا ابنك,,, أبوك,,,, أخوك,,,, عمك,,, خالك,,,,, أو حتى أخدوك,,,,, وكتير صارت كمااان,,,, ياخدوا أختك,,,, ” م هاد اشي عادي كمان” ويحجزوك بأقرب معسكر جيش,,,, ويبهدلوك,,,, ويشرشحوك,,,,
وازا فكروا حتى يرجعوك عالبيت,,,, !!! هاد ازا ما اعجبتهم,,,
اما ازا عجبتهم,,,, فانت مقيم لمدة بتتراوح بين 3 شهور وبين 13 سنة في سجون الاحتلال,,, كأسير رسمي,,,,
كمان هالشي عادي جدا وأقل من عادي’’’’

عادي جدا لما تنقطع المياه عن البيت يومين وتلات او حتى اسابيع,,,,, في حين جيراننا المستوطنين,,,, واليهود,,,,, يستمتعوا بالمسابح,,,,, ويرووا الحدائق العطشانة
عادي لما يكون نسبة استهلاك الفلسطيني للماء 60 لتر في حين استهلاك الفلسطيني للماء بتوصل ل 250 لتر

لو بدنا نحكي عن الوضع الفلسطيني_الاسرائيلي,,,,

ما احنا قضيناها 60 سنة مش بس نكبة وحدة
قضينا حياتنا كلها نكبات ونكسات,,,, ومجازر وحروب وانتفاضات,,,,

لا وبالاخير,,,,,, فلتونا على بعض ’’’’ فصرنا ناكل بلحم بعض’’’’ وصرنا واقفين لبعض على الغلطة الصغيرة,,,,
زرعوا بينا الفتنة وصاروا يتفرجوا علينا ويضحكوا,,,,,وبدل ما نشتم اليهود,,,,, نشتم بعض,,, !!!

عادي يا جماعة الخير,,,,
راح نضل منكوووبين,,,,, منكوسيييين,,,,, ضايعين بهالدنيا
مشردين بكل بلاد الله
لحتى الله يفرجها,,,,,,

وان شاء الله
يكون فرجك يا ربي قريب,,,,